யார் யார் எங்கே தொகுதி நிலவரம்

0
392

தமிழக சட்டமன்றத் தேர்தலில் மக்கள் நல கூட்டணியின் முதல்வர் வேட்பாளரும், தேசிய முற்போக்கு திராவிட கழகத்தின் நிறுவனத் தலைவருமான விஜயகாந்த் உளுந்தூர்பேட்டை தொகுதியில் போட்டியிடுவார் என்று அறிவிக்கப்பட்டுள்ளது.

பாட்டாளி மக்கள்Stalin-m-k கட்சியின் முதலமைச்சர் வேட்பாளராக அறிவிக்கப்பட்டுள்ள அன்புமணி ராமதாஸ் பென்னாகரம் தொகுதியில் போட்டியிடுகிறார்.

அதிமுகவின் பொதுச் செயலாளர் ஜெயலலிதா மற்றும் திமுகவின் தலைவர் கருணாநிதி ஆகியோர் போட்டியிடும் தொகுதிகள் முன்னரே அறிவிக்கப்பட்டிருந்த நிலையில், விஜயகாந்தும் அன்புமணியும் எங்கு போட்டியிடுவார்கள் என்கிற எதிர்பார்ப்பு வலுத்துவந்தது.

திமுக தலைவர் கருணாநிதி போட்டியிடும் திருவாரூர் தொகுதியில் அவரை எதிர்த்து இந்தியக் கம்யூனிஸ்ட் கட்சியின் சார்பில் மாசிலாமணி போட்டியிடுவார் என்று அக்கட்சி அறிவித்துள்ளது. மக்கள் நலக் கூட்டணியில் அந்தக் கட்சிக்கு 25 இடங்கள் ஒதுக்கப்பட்டுள்ளன.

எனினும், அக்கட்சியின் மாநிலச் செயலர் முத்தரசன், மூத்த தலைவர்களான ஆர்.நல்லக்கண்ணு மற்றும் தா.பாண்டியன் ஆகியோர் இத்தேர்தலில் போட்டியிட விரும்பவில்லை என்று கட்சி கூறியுள்ளது.

தமிழக முதல்வர் ஜெயலலிதா போட்டியிடும் சென்னை ஆர்.கே.நகர் தொகுதி, மக்கள் நல கூட்டணியில் இடம்பெற்றுள்ள விடுதலை சிறுத்தைகள் கட்சிக்கு ஒதுக்கப்பட்டுள்ள நிலையில், அங்கு யார் வேட்பாளர் என அந்தக் கட்சி இதுவரை அறிவிக்கவில்லை.

ஆனால், 11 தொகுதிகளுக்கான வேட்பாளர்கள் பட்டியலை மட்டும் இன்று வெளியிட்ட அக்கட்சியின் தலைவர் தொல்.திருமாவளவன், மீதமுள்ள தொகுதிகளின் வேட்பாளர் பட்டியல் நாளை காலை வெளியாகும் என்று கூறியுள்ளார்.

இதனிடையே, அதிமுகவின் மேலும் சில வேட்பாளர்கள் மாற்றப்பட்டுள்ளனர். அந்த புதிய 8 வேட்பாளர்களின் பட்டியலில் தமிழக அமைச்சர்கள் ப.மோகன், சண்முகாதன் மற்றும் பழனியப்பனுக்கு மீண்டும் வாய்ப்பு வழங்கப்பட்டுள்ளது.

சங்கராபுரம் தொகுதிக்கு ப.மோகன், ஸ்ரீவைகுண்டம் தொகுதிக்கு எஸ்.பி.சண்முகநாதன், பாப்பிரெட்டிபட்டி தொகுதிக்கு பி.பழனியப்பன், திருச்சி கிழக்கு தொகுதிக்கு வெல்லமண்டி என்.நடராஜன், அரக்கோணம் தொகுதிக்கு சு.ரவி, ஈரோடு மேற்கு தொகுதிக்கு கே.வி.ராமலிங்கம், கோவில்பட்டி தொகுதிக்கு கடம்பூர் ராஜூ மற்றும் பாளையங்கோட்டை தொகுதிக்கு எஸ்.கே.ஏ.ஹைதர் அலி ஆகியோர் புதிய வேட்பாளராக அறிவிக்கப்பட்டுள்ளனர்.

திமுகவும் ஒரு தொகுதிக்கான வேட்பாளரை மாற்றியுள்ளது.

உங்கள் கருத்தை தெரிவிக்க