அது என்ன மாயமோ மந்திரமோ தெரியவில்லை.
உலக சாம்பியன்,டெஸ்ட் அரங்கில் நம்பர் 1 என்று கம்பீரமாய் இங்கிலாந்து மண்ணில் விளையாட சென்ற இந்திய அணிக்கு தொடர்ந்து அடி மேல் அடி விழுந்து கொண்டிருக்கிறது.
எனக்கு என்னவோ நாளை தான் இந்த தொடரில் இந்தியாவின் முதல் வெற்றி நிகழப் போவதாகப் படுகிறது பார்ப்போம்.

டெஸ்ட் போட்டிகளில் நான்கு ஆட்டங்களிலும் தோல்வி அடைந்த நிலையில் T20 போட்டியில் பதிலடி கொடுப்பார்கள் என்று பார்த்தால் தங்களது T20 வரலாற்றில் முதல் போட்டியில் விளையாடிய இரண்டு வீரர்களை தவிர்த்து எவருமே பெரிதாய் வெற்றிக்கு முனையவில்லை.

அந்த இருவர் யார் என்று இரண்டு தினங்களாக தொலைக்காட்சியில் திரும்ப திரும்ப காண்பித்து இருப்பார்களே? ரஹானேவும் ராகுலும் தான்.
ஒருவர் கிரிக்கெட்வாழ்க்கையை தொடங்குகிறார். மற்றவர் முடிக்கப் போகிறார்.
இருவருமே சிறப்பாக விளையாடினர். ரஹானே சரியாக பந்தின் திசை,வேகம் ஆகியவற்றை கொண்டு திருப்பி விடுவதில் வல்லவராக படுகிறார். டிராவிட் தன் இயல்புக்கு கொஞ்சமும் ஒத்து வராத ஷாட்களை எல்லாம் அடித்தார். மூன்று தொடர்ச்சியான சிக்சர்களை டிராவிட் பேட்டில்இருந்து காண்பதற்கு கொடுத்து வைத்து இருக்க வேண்டும்.

சரி இவர்கள் நல்ல அடித்தளம் அமைத்து விட்டார்களே, கோலி,ரோஹித் எல்லாம் பயிற்சி ஆட்டங்களிலே நன்றாக விளையடினர்களே ஸ்கோர் எங்கேயோ போய் விடும் என்று பார்த்தால் மீண்டும் மொத பேரும் ரெய்னா தவிர பொத்தென விழுந்து இங்கிலாந்துக்கு இன்னொரு வெற்றியை பரிசளித்து விட்டார்கள்.

நாளைக்கு எல்லாம் மாறும்; இந்திய அணி உத்வேகம் கொண்டு எழும் இங்கிலாந்துக்கு பதிலடி கொடுக்கும் என்று நம்புவோம். அதை விட்டால், நம்மால் என்ன செய்ய முடியும்?

இதற்கு இடையில் T20 போட்டியின் போது வர்ணனை செய்யும் போது நாசர் உசைன் இந்திய களத்தடுப்பு வீரர் ஒருவரை கழுதை என்று வர்ணித்து விட்டதால் பிரச்னை கிளம்பி இருக்கிறது. அவர் திட்டியதை இவர்களே பெரிதாக்கி உலகுக்கு காண்பித்து விட்டார்கள்.

இது இப்படி என்றால் இந்திய அணியின் தோல்விக்கு வழக்கமாக யாராவது பலிகடா ஆக்கப்படுவார்கள் அல்லவா? இந்த முறை ஸ்ரீகாந்த் ஆகி இருக்கிறார். மோசமான அணித்தேர்வு எனக் கூறி அவர் பதவிக் காலத்திற்கு முற்றுப் புள்ளியை உறுதி செய்து இருப்பதாக தகவல்கள் வலம் வருகின்றன.

இவர் தேர்வுக் குழு தலைவர் ஆன பிறகு தான் இந்திய அணி ஒருநாள் போட்டிகள் மற்றும் டெஸ்ட் அரங்கில் வெற்றிகளை குவிக்க ஆரம்பித்தது என்பதை மறந்து விட்டார்கள். ஏன் உலக கோப்பை போட்டிகளுக்கும் இவர் தானே அணித்தேர்வை செய்தார்.

சரி விடுங்கள் இந்திய கிரிக்கெட் கட்டுப்பாட்டு வாரியத்திற்கு இது ஒன்றும் புதிது அல்லவே?

0 Shares:
Leave a Reply
You May Also Like
Read More

நட்சத்திர கிரிக்கெட் எதிர்த்து முற்றுகை

சென்னை சேப்பாக்கம் மைதானத்தில் நடந்து வரும் நட்சத்திர கிரிக்கெட் போட்டிக்கு எதிர்ப்பு தெரிவித்து தமிழக மக்கள் ஜனநாயக கட்சியினர் மைதானத்தை முற்றுகையிட்டு போராட்டம் நடத்தி…
Read More

ஐபிஎல் – முதல் போட்டியில் புனே வெற்றி

ஐபிஎல் டி20 கிரிக்கெட் போட்டியின் 9வது சீசன் போட்டிகள் இன்று தொடங்கின. இரவு 8 மணிக்கு தொடங்கிய முதல் போட்டியில், டோணி தலைமையிலான புனே…
Read More

99 நாட் அவுட்.! (5)

ஆசிய அணி ஒன்றிற்கு எதிராக சச்சின் அடித்த முதல் சதம் இது தான். இலங்கையில் சென்று அந்த அணிக்கு எதிராக டெஸ்ட் போட்டி ஒன்றில்…
Read More

தோனி அவ்வளவுதானா.. தொடர் தோல்வியில் ஐபிஎல் 2016

ஐபிஎல் டி20 தொடரில் நேற்று விசாகபட்டினத்தில் நடைபெற்ற போட்டியில் ஹைதராபாத் சன்ரைசர்ஸ் அணி 4 ரன் வித்தியாசத்தில் புனவை வீழ்த்தி வெற்றி பெற்றது. டாஸ்…
Read More

வெஸ்ட் இண்டீசை துவம்சம் செய்தது பாகிஸ்தான்

காலிறுதி போட்டிகள் தொடங்கி விட்டன, இனி மேலாவது விறுவிறுப்பான போட்டிகள் அதிகம் இருக்கும் என எதிர்பார்த்தால் வெஸ்ட் இண்டீஸ் இப்படி அநியாயமாக பாகிஸ்தானிடம் சரண்…
Read More

நட்சத்திர கிரிக்கெட் பார்க்க வந்த கூட்டம் குறைவுதான் ,ஆனாலும்

நடிகர் சங்க கட்டடம் கட்ட நட்சத்திர கிரிக்கெட் நடத்தப் போகிறோம் என்ற அறிவிப்பு வெளியானதிலிருந்தே, அந்த நிகழ்ச்சிக்கு எதிராக சிலர் வரிந்து கட்டிக் கொண்டு…